اور یہاں موٹاپے کا مسئلہ بھی نظر نہیں آتا۔ مزید جانئے: سائنسدانوں نے ایسا انکشاف کردیا کہ آپ بھی منرل واٹر کی بوتل سے پانی پینے سے پہلے بار بار سوچنے پر مجبور ہوجائیں گے ڈاکٹر ولکاکس کا کہنا ہے کہ جاپانی لوگوں میں ان تمام بیماریوں سے بچاﺅ کا دارومدار ان کی خوراک پر ہے۔ یہ لوگ ہفتے میں تین دفعہ مچھلی ضرور کھاتے ہیں، جبکہ ثابت اناج کے علاوہ تازہ سبزیاں بکثرت استعمال کرتے ہیں۔ یہ ٹوفو اور سمندری گھاس بھی اپنی خوراک میں استعمال کرتے ہیں، جبکہ مچھلیوں کے علاوہ دیگر سمندری خوراک بھی استعمال کرتے ہیں۔ اوکی ناوا جزائر پر اگنے والی جامنی شکرقندی فلیونائیڈ، کیروٹینائیڈ، وٹامن ای اور لائیکوپین جیسے اجزاءسے بھرپور ہوتی ہے، جبکہ یہاں پایا جانے والا کڑوا کھیرا، جسے مقامی زبان میں ”گویا“ کہا جاتاہے، بھی وٹامن سے بھرپور ہوتا ہے۔ یہ کھیرا بلڈ پریشر اور ذیابیطس کا بہترین علاج ہے۔ اوکی ناوا کے لوگ ہلدی اور چنبیلی کی چائے بھی پیتے ہیں اور جبکہ میٹھے اور چکنائی والی غذاﺅں سے مکمل پرہیز کرتے ہیں۔ ڈاکٹر ولکاکس کہتے ہیں کہ اگر آپ اچھی صحت اور طویل زندگی کا راز جاننا چاہتے ہیں تو آپ کو جزائر اوکی ناوا کے لوگوں کی خوراک پر نظر ڈالنے کی ضرورت ہے، کیونکہ ان کی تحقیق کے مطابق یہی ان کی صحت اور لمبی زندگی کا اصل راز ہے۔
0 comments:
Post a Comment